【2020立會延選系列】人大常委決定全體立法會議員延任一年，連搞事攬炒友都有份，落落大方的展現容人之量。相反，黃營就盡顯小家子氣，為留定唔留搞出多場大龍鳳。不過，大部分黃議員左右搖擺時，慢必陳志全早就大叫杯葛話唔留，較早前，又在社交平台上載影片，指反對派一旦接受延任，會令政府更加有藉口，可以要求國際社會勿干預香港事務。

未來主力搞專頁

慢必於片中強調自己一直傾向杯葛延任，但又戴頭盔稱若所有反對派議員均服從民調結果，自己就會跟大隊喎！又指反對派在民調展開前難達成共識，所以佢九成會離開議會。至於離任之後，未來一年，佢將會主力經營其網上專頁「慢工室」，仲話現時專頁尚未有節目，已有100人訂閱，認真巴閉！

嗱，話得走就真係好趁早走，咪到時九成變八成，變變下一成都冇呀！

原圖：無綫新聞截圖、星島日報圖片

https://std.stheadline.com/realtime/article/1012822