曾以「肺炎歸武漢」攬黃客嘅黃店「渣哥」,最近又有消息。小編先澄清,今次唔關仇中仇警事,而係「渣哥」銅鑼灣本店宣布將會於明年1月結束營業!今次真係「收檔歸渣哥」囉!
早前,「渣哥」以仇中招吸引黃客,喺「隔離板上」印有「榮耀歸香港、肺炎歸武漢」嘅字樣,想借此揚名黃圈(請按此重溫)。今日,「渣哥」突於社交網宣布租約期滿後不再續租,「今天,我哋縱然萬分不捨,亦終於忍痛宣布銅鑼灣渣哥本店,會於幾個月後嘅2021年1月,租約期滿後不再續租,停止營業,正式退下火線。」
雖然公布將收檔,但「渣哥」繼續力氹黃友,話銅鑼灣渣哥有幸生於亂世,有幸置身大時代,有幸親身見證一個又一個波瀾壯闊嘅社會運動,以及有幸同大家共同進退喎。
雖然明年1月先約滿,但「渣哥」咁早就宣布定,唔知係咪想攬埋最後一批客?黃色經濟圈係點?明白晒!
原圖:渣哥 一九九六Facebook、星島日報
https://www.facebook.com/JarGor1996/photos/a.623781361033242/3102363399841680/?type=3&theater
投票已截止,多謝支持