美國利用政治勢力想將中美兩個關係推向「新冷戰」,國務委員兼外交部長王毅昨日接受《新華社》專訪時,表示中方堅決反對人為製造所謂新冷戰,更霸氣警告,指中方唔會畀呢啲陰謀得逞。
王毅表示,現時美國國內一部分政治勢力出於對中國嘅偏見及仇視,利用手中掌握嘅權力,編造各種謊言惡意抹黑中國,更製造各種藉口阻撓中美之間嘅正常往來。王毅批評,以上嘅做法,係想復活麥卡錫主義幽靈,從而破壞中美聯繫,煽動兩國民意對立,損害兩國互信根基,從而將中美再次拖入衝突同對抗之中,令世界重新推入動盪與分裂。
王毅強調,中方係唔會畀呢啲陰謀得逞,更指中方堅決反對人為製造所謂「新冷戰」,直指「新冷戰」完全違背中美兩國人民嘅根本利益,同時背離世界發展進步嘅潮流。王毅更稱,若有誰要喺21世紀挑起「新冷戰」,就會係國際合作嘅最大破壞者,同時必被釘在歷史嘅恥辱柱上。
鬧得啱,王毅擲地有聲,堅定拒絕「新冷戰」,支持祖國!
原圖:新華社片段截圖
投票已截止,多謝支持