葉建源大鑊鳥?立法會選舉提名期前日(18日)展開,今屆立會選舉中黃營內訌場面多多,當中包括在功能界別,早前,去年6.12中槍、不獲校方續約嘅黃教師楊子俊擬出戰立法會教育界選舉(請按此重溫),但可能因為教協葉建源日前搶閘報名競逐連任,所以令中槍通識黃師好不滿,更喺網上狙擊教協,直斥教協唔肯參加「初選」,兩者仲頻頻隔空駁火添!
教協葉建源一副大晒咁款,加上後背教協,駁火一事全由教協發聲明,話說當初想參選教育界嘅楊子俊及蔣旻正都曾叫教協參加「初選」,但誰知對方百般推搪,搞到近日向網民「諮詢」應否參選嘅楊子俊即喺網上狙擊,引述教協表示有能力自行舉辦初選,但就基於資源問題唔會舉辦,楊子俊仲話如果當日教協肯參加初選,自己都無需參選喎!
事後教協就出聲明反駁,反指控楊子俊所提及嘅的會議內容本應該保密,但就被對方公開咗部分內容,而且指,楊、蔣如果要初選應該提早喺開選前一個月先提出,反斥兩人搞到時間太趕,令教協冇時間準備云云。
楊子俊則指教協會長馮偉華自己表明各方都可以公開協調失敗嘅事實,批評教協講法影響佢聲譽,要求教協收回言論。最終教協拖咗近20小時才收回有關部分,楊子俊表示對教協極度失望,仲話保留追訴權利,更批評教協連借會址做「初選」票站都唔願意,甚至反證明「初選」無效。
呢場狗咬狗精彩嘅同時,都引嚟唔少網民關注,網民直指內部決定葉建源嘅教協好霸道,好惡呀!但教協霸道唔係第一日嘅事,大家又點睇?
已宣布有意參選教育界的尚有鄧飛。
原圖:星島日報、網絡圖片
投票已截止,多謝支持