有個議員夢嘅香港眾志秘書長黃之鋒,昨日宣布將以個人名義,參選九龍東民主派立法會初選,黃之鋒於Facebook發布參與宣言,更於文中繼續抹黑國安法,透露對選舉無信心,指唔排除被DQ可能。
黃之鋒喺參選宣言中,一開首就提國安法,指港版國安法一實施,政權就會全面清算,又指中國會將港版國安法投入國際戰線,指中國可能以此拘捕佢等投入海外遊說嘅手足, 又話會報復佢四年前開始推動《香港人權民主法》 嘅香港眾志,以此消滅國際線力量云云。黃之鋒又話從未排除自己會被取消參選資格嘅可能,話自己個名出現喺選票上嘅機會好渺茫喎。
而「已完」兼香港眾志常委羅冠聰則宣布參加港島區民主派立法會初選,被問到擔唔擔心被DQ,羅冠聰就話呢啲係後話。
黃之鋒「議員夢」仲未醒,既然係咁,祝佢屢戰屢敗!
原圖:星島日報
投票已截止,多謝支持