港版國安法即將實施,據新華社報道,國安法草案已提請全國人大常委會(請接此重溫),立法會選舉即將在9月舉行,當中反對派憂心國安法為立會選舉畫線,連佔中三子戴耀廷都好淆底,認為民主派參選人被「DQ」嘅風險高。
政制及內地事務局局長曾國衞早前表示,如果參選人完全否定或反對國安法立法,會令人質疑係咪效忠香港特區。港大法律系副教授戴耀廷今於電台節目中表示,相信反對派參選人被「DQ」嘅風險高,因為涉及國安法嘅言論高危,未必可以「入閘」,又話即使參選到,政府都有機會喺投票前或當選人宣誓前以各種方式取消有關人士嘅資格云云。
另外,戴耀廷透露,反對派參選人會準備「Plan B」,當知名度較高嘅參選人被DQ,就可搵後備補上。
既然連戴耀廷都咁講,小編只想講句,係就好啦!
原圖:星島日報
投票已截止,多謝支持