立會選舉將至,反對派的「選舉症候群」再發作,戴耀廷或為要重出江湖做主宰,以「35+」之名,令「雷動」借屍還魂。狼煙一點,戰火即燃,槍頭由外轉內,同路人互隊,明嘲暗諷,左批右轟,差點還以為是建制大戰泛民,至死方休。
初選未至,選唔選初選成為反對派內不少人的難題。有人選,有人唔選;有稱唔選,叫停初選;話唔會選,忽然又想選。
選來選去,你損我損。
最記得戴耀廷金口一開,特別提及熱血公民唔埋堆,「高溫體液」秒速被抽得一乾二淨,立會選舉隨即少了位「民主派」競爭對手,反而多了個「建制派」敵手。此記「靚抽」可謂甚有特朗普「民主」式的管治味道——You're fired!
排除異己,成了初選最大要旨。
戴耀廷稱「35+」全取決於777,分別是七成選民登記、七成投票率,以及衝擊泛民建制七三比。那要過初選,必定是一條9——九死一生,皆因所謂民主光譜倏然收窄,想選立會,就要先經「篩選」,唔玩初選就想選立會?連衛兵一人一抹黑,包你黑過黑五類。未選立會,先有「限制」,何需政府出手?自己友化身劊子手間接「DQ」,相信別有一番風味!
一場比小圈子更小圈子的初選從此出現,難怪反對派近日內部又生暗湧,為簽綱領與否爭論不休,令「地位超然」的戴教授不得不低頭致歉,更稱倘得不到大家信任,就不適合繼續去統籌云云。
無料充四條,揮揮手就話要走,戴生,一早過主啦!
原圖︰港台新聞截圖