自中央為香港推行港版國安法後,西方國家不斷湧出嚟亂講一通,英國外相藍韜文日前更批評國安法係中方專制式,有違國際義務,更再次拎《中英聯合聲明》嚟插手香港事,對此,中國外交部發言人趙立堅直斥英國對回歸後嘅香港無主權、無治權、無監督權,更指所謂專制,係英對港殖民統治嘅真實寫照。
外交部發言人趙立堅在昨日嘅例行記者會上反擊英外相挑剔港版國安法一事,批評英方無權假藉《中英聯合聲明》對香港事務說三道四、干涉中國內政。
趙立堅更稱英國與香港嘅歷史聯繫源自侵略、殖民及不平等條約,炮轟英方竟妄稱香港國安立法係專制立法。指出所謂專制一詞,正係英國曾經對香港進行嘅殖民統治嘅真實寫照,更強調,香港回歸以來,香港居民才享有前所未有嘅權利及自由。
英國選擇性忘記對香港侵略及專制統治一事?英方竟然敢用專制嚟對中國說三道四,可惜歷史留下嘅紀錄永不磨滅,趙立堅真係完美KO英外相!
原圖:星島日報、無綫新聞截圖
投票已截止,多謝支持