23歲公大女生於去年9月「光復屯門公園」時管有攻擊性武器，案件今日開審，早前不認罪嘅女被告今日臨時認罪，屯門法院裁判官葉啓亮接納被告求情，指被告有抱負，故被告獲減刑判，被判囚3個月。

被告為就讀公開大學3年級、23歲嘅張佩霖，案情指去年9月21日，屯門一場合法集會遊行中，部分人偏離原訂路線及堵路，被告與近二百人傍晚喺終點集結，警方驅散人群時，於被告身上檢獲一支90厘米長膠管、面罩及護目鏡等。

求情稱被告冇參與堵路

張佩霖透過辯方律師求情，表示被告當日係喺陌生人身上接過涉案武器唔夠10分鐘就被捕，又指被告雖然於當日偏離原定遊行路線，但冇參與任何堵路等行為云云。

張佩霖於案件開審前，臨時改為承認一項在公眾地方管有攻擊性武器罪，裁判官接納被告求情，指被告曾係有為、有抱負嘅年輕人，但被告嘅性別和法例均限制法庭懲處方式，所有只有監禁一項判刑選擇。而基於被告開審前認罪，扣減其四分一刑期，判處入獄三個月。

原圖：星島日報