新冠肺炎疫情持續,出街真係好應該戴返個口罩,不過有人苦惱買唔到口罩嘅同時,亦有人竟然有口罩都唔用!因披露廉署受調查人身份而被判囚嘅社民連主席吳文遠,今日刑滿出獄,啱啱至踎完嘅佢神情得戚,仲好威威豬咁向記者展示手中嘅CSI口罩,咦咪住先,點解個口罩喺「手中」嘅?
原來吳文遠根本就全程無戴口罩,佢解釋話已經喺獄中戴咗成個月,所以要「出嚟唞吓氣」喎!今日迎接「大將軍」嘅有成20幾人,包括社民連副主席黃浩銘、民陣召集人岑子杰,吳文遠其後坐上7人車離開,聲稱要去柴灣飲茶咁話。
請大家記住,呢場抗疫之戰係未打完嘅,希望所有人都可以提高防疫意識,唔好枉費前線醫護人員同抗疫英雄嘅努力,身為公眾人物就更是如此!大家又會講啲咩去溫馨提醒吓吳文遠呢?
原圖:吳文遠Facebook
https://www.facebook.com/Ng.ManYuen/photos/a.264133620282188/3683851404977042/?type=3&theater
投票已截止,多謝支持