美國插口香港事務，港府拒絕啞忍！美國國務院發表2019年人權報告，當中提到香港「人權問題」，批評香港警方粗暴對待示威者及拘留人士，又指警方實質干預和平集會及自由結社的自由，以及限制政治參與云云。港府對此強硬回應，狠批外國政府唔應該以任何形式干預香港特區嘅內部事務，更強調警方職責係要採相應武力止暴制亂。

自反修例騷亂以來，有外國對港事置喙，美國再次高調論及香港事務，是可忍孰不可忍！港府發言人表示，由六月至今，示威者暴力嘅程度係前所未有，嚴重威脅人身安全、公共秩序和公共安全，更有警員遇到嚴重受傷甚或死亡威脅。發言人指出，面對呢啲情況，香港警隊嘅職責係要採取適切行動，包括使用相應武力止暴制亂，恢復社會秩序。

稱港不存在政治檢控

關於警察投訴一事，發言人表示投訴會按既定機制得到專業及不偏不倚嘅處理；對於人權和自由，發言人指兩者均是香港普通法制度嘅基石，由2014年至2019年總超過5.4萬次嘅和平公眾集會同遊行中，已可見香港嘅人權受到充分保障。另外，關於檢控方面，發言人表示，特區政府一直致力維護本港法治和司法獨立，更強調不存在政治檢控。

黑暴堵路破壞，甚者傷人，磚頭、汽油彈更屢次出現，威脅執法者。試問外國批評香港警隊執法時，有否考慮黑暴所為？一味指摘警方，鮮有譴責黑衣暴力又合理嗎？

原圖：無綫新聞截圖