港台出品必屬極品,主持利君雅有幾黃就係人都知,日前佢再度發功,由利君雅主持嘅節目《視點31》請來立法會議員梁美芬同楊岳橋討論香港法治同近年社會問題,期間利君雅頻頻「助攻」楊岳橋,但反而畀梁美芬完美KO。
利君雅罔顧主持人應有嘅風度,討論期間多次打斷梁美芬發言,當提到「警權」同「監警會」問題時,利君雅先入為主咁話投訴警察要先經警察投訴科,因而質疑監警會成效;但梁美芬即時KO黃主持,因為利君雅呢個問題一早已經有晒前設,「覺得所有制度嘅人偏袒唔公道」,並點出根本冇制度係完美呢個事實,如果有證據認為警察做錯,大可以交法庭處理,搞到利君雅當場冇聲出,要靠楊岳橋幫手轉移話題。
港台主持利君雅仇警上腦,已多次發表針對執法者嘅抹黑言論,如今畀梁美芬議員當場串爆,認真大快人心!
原圖:港台節目《視點31》截圖
投票已截止,多謝支持