黎智英、工黨李卓人、民主黨前主席楊森等於早前因涉參與非法集結被捕，當中黎智英更涉於2017年恐嚇《東方日報》記者，被捕消息一出無幾耐，美國就即時出聲，美政客更為肥佬黎出頭，中國外交部駐港公署其後發聲明批評，斥其心可誅，更表示亂港言行注定失敗。

美國參議員對黎智英被捕一事說三道四，我國外交部駐港公署發言人表示，美方有政客屢次打着所謂民主與自由的幌子，顛倒黑白、不分是非，粗暴干預香港法治和司法獨立，對此表示強烈譴責和堅決反對。

斥美議員睜着眼睛說瞎話

發言人續指,美國有關議員係睜着眼睛說瞎話，昧着良心搞包庇，同時係公然為黎智英等人洗白美化，抹黑香港政府依法施政和警方依法執法嘅正當行為，又批發美方以《香港人權與民主法案》相威脅，赤裸裸干預香港事務和中國內政、破壞香港繁榮穩定與法治。發言人最後更強調，亂港言行注定以失敗告終。

鬧得好，老美啲議員憑咩對中國內政指指點點，真係驚死啲人唔知佢哋同黎智英有幾熟？

圖：HKG報