繼黃醫護罷工後,黃公務員喺疫情下繼續搞分化!新公務員工會於昨晚在中環政府總部公民廣場發起「公民廣場流水式集會」,有近1,000名市民參加集會,現場貼有「公務員抗疫,政府放疫」字句,同時在場人士大嗌「香港人自救」等口號,當中顏武周更靠嚇政府。
期間,新公務員工會主席顏武周稱政府抗疫手法十分令人不滿,兼趁機批評警方,指政府讓消防人員使用過期N95口罩,醫護及公務員防護物資不足,話唔明白點解警方可獲分較多裝備。顏武周又表示,早前已要求增加抗疫裝備,但因未獲正面回應,故以此威脅,表示不排除會有進一步行動。
其後,政府發聲明回應,表示喺疫情嚴峻情況下,工會呼籲公務員同市民聚集嘅做法係「完全不負責任」,妄顧參加者嘅安全,亦有違政府減少社交接觸的重要抗疫指引。
聲明批評工會漠視政府回應,更以藉口發動示威集會,係「分化公務員隊伍、製造矛盾、打擊公務員士氣的行徑」。強調有人在集會上呼喊支持香港獨立嘅口號係「絕對不能令人接受」。政府表示對集會感到十分失望和遺憾。
疫情之下,理應全城抗疫,但可恨係黃友心中只有政治,無論政府點做都唔滿意,一味威脅政府,到底幾時先玩夠?
原圖:星島日報、NOW新聞截圖
投票已截止,多謝支持