黑衣上月肆虐多間大學校園,其中城大校方估計設備損失以億元計,而情況更嚴重的理大,估計維修費用比前者更多。理大校董會主席林大輝更講到出口,賴政府管治出問題,先會令理大成為「代罪羔羊」云云,話政府有責任承擔維修費喎(請按此重溫)!
民建聯議員蔣麗芸(Ann姐)就認為,喺討論撥款畀大學維修之前,應該先請校長們到立法會解釋點解校園設施會爛晒,又直斥大學「有賊入屋打劫但唔報警」,又唔畀警察入校園,「仲要政府畀錢?」Ann姐建議等社會恢復穩定,校園唔會再被人破壞,立法會先處理撥款問題,就算拖佢三個月甚至半年都無所謂!
大學縱容暴力,更似挑剔警方執法,最終自吃苦果,依家卻要有份納稅嘅香港人承擔,大家話有道理咩?!
原圖:立法會影片截圖、星島日報
投票已截止,多謝支持