由6月至今警方發射逾萬枚催淚彈，而近月開始使用嘅國產催淚彈，更被黃友拎出嚟大數特數，亂咁指責國產催淚彈含CS殘留物等，對健康好有害云云。近日，有一群科學碩士及博士生組成嘅「香城教育電視」科學團隊，特此自發為中國產催淚彈及美國產催淚彈進行化驗，而結果「出乎意料」（團隊語），就係中國產發射型催淚彈彈殼嘅CS殘留物比美國製嘅少，而手擲式催淚彈彈殼更驗唔到CS殘留。

樣本包括兩中國產 一美國製

據報道，CS即「鄰-氯代苯亞甲基丙二腈」（2-chlorobenzylidene malononitrile），為催淚彈主要成分，有研究指在超過攝氏275度高溫燃燒下會釋出山埃，而CS喺高溫下會產生鄰氯苯甲醛，當中嘅氧化鋁喺高溫下有機會變成二噁英。有關化驗的是該團隊收集嘅彈殼樣本，包括美國製造商「NonLethal Technologies」生產嘅MP-6M5-CS發射型催淚彈、中國製由北方工業（Norinco）生產嘅「NF01 CS Smoke Projectile」發射型催淚彈，同埋中國製嘅「Jing An KF-302-20 CS Grenade」手擲式催淚彈。

中國製樣本較美製更「新鮮」

團隊嘅化驗結果係，中國製發射型催淚彈彈殼嘅CS殘留物比美國製少，而中國製手擲式催淚彈更係未有驗出CS殘留物。另外，該團體化驗嘅樣本中，中國製係化驗前一日先收集，較美國製係於化驗前約一個月收集嘅更為「新鮮」，但出得結果，仍係中國製殘留嘅CS份量比較少。

這個發現，唔知有冇令一眾黃友塊面啪啪作響呢？黃友係咁搵位針對、老屈、抹黑警方，但一次又一次嘅抹黑只換來一次又一次咁被打臉，唔知黃友家陣有乜感想？

原圖：星島日報

https://std.stheadline.com/instant/articles/detail/1140053/%E5%8D%B3%E6%99%82-%E9%A6%99%E6%B8%AF-%E4%BF%AE%E4%BE%8B%E9%A2%A8%E6%B3%A2-%E5%A4%96%E4%BA%A4%E9%83%A8-14%E5%84%84%E4%B8%AD%E5%9C%8B%E4%BA%BA%E6%9C%9F%E5%BE%85%E9%A6%99%E6%B8%AF%E6%AD%A2%E6%9A%B4%E5%88%B6%E4%BA%82-%E7%B6%AD%E8%AD%B7%E7%B9%81%E6%A6%AE%E7%A9%A9%E5%AE%9A