在本月18日油麻地騷亂中,警方被黃友質疑在驅散過程中造成人踩人,警方今舉行記招反駁黃友論點,警察公共關係科高級警司江永祥表示,事件係有人刻意轉移視線,指當時有數以千計嘅暴徒於油麻地一帶堵路,當晚汽油彈亦過千,江Sir反問:「唔通當冇事發生?然後畀暴徒舒舒服服返屋企?」江永祥強調當晚警方嘅行動係拘捕明顯犯法之人,更稱黃友嘅言論會令黑衣誤以為其暴力行動係得到支持嘅!
另外,警方公布執法數字,至今總共拘捕5,890人,當中4368男、1,522女,年齡介乎11至83歲,包括暴動、非法集結等。而在理大事件中,警方共拘1,377人,由理大離開被拘捕嘅有810人,有567人於理大外圍或附近被拘捕,當中18歲以下有318人。
而由六月至今,總共有483名警受傷,當中10月1日被腐液所傷嘅警員至今仍留院,警察公共關係科總警司郭嘉銓表示,受傷警員未因受傷而氣餒,反而志氣不滅,更稱想盡快回歸前線,而郭Sir更稱,家人被起底及警員被辱罵,對警員嚟講先係最大嘅傷害。
警察嘅辛酸,大家都知道!齊心撐警,為香港警察打氣!
原圖:香港警察Facebook截圖、星島日報
投票已截止,多謝支持