反對派早前就《禁蒙面法》申請司法覆核,高院昨日裁定《禁蒙面法》違憲及《緊急法》不符合《基本法》規定。消息一出,引起嘩然,國務院港澳辦發言人楊光回應高院相關裁判,表示《禁蒙面法》對止暴有用,指出高院嘅判決等同公然挑戰人大常委會權威。
國務院港澳辦發言人楊光對判決表示關注,楊光表示香港現時行嘅《緊急情況規例條例》,係經過1997年2月全國人大常委會有關決定確認符合《基本法》,並採納為香港特別行政區法律,即是表明該條例嘅全部規定都係符合《基本法》。
楊光表示,香港特別行政區行政長官會同行政會議依據該條例制訂《禁止蒙面規例》,即為依照《基本法》和全國人大常委會有關決定履行職權。楊光更指該規例實施以嚟對止暴制亂發揮咗積極作用,直指高院嘅裁判係公然挑戰全國人大常委會嘅權威,以及法律賦予行政長官嘅管治權力,將會產生嚴重負面社會政治影響。
黑衣暴行禍港,政府出招止亂,但卻被高院裁違憲,你有咩睇法?
原圖:星島日報
投票已截止,多謝支持