譚文豪忽然轉性,表態反對暴力同港獨?公民黨譚文豪接受《文匯報》專訪,強調自己係中國人,表明唔支持港獨,對暴力行為感心痛喎!
據《文匯報》專訪報道,談及反修例動亂,譚文豪自稱「和理非」,指相信冇香港人會希望見到暴力出現,當記者問到佢會想同暴力份子講啲乜時,佢就話:「不要危及普通市民的安全」,莫非係見到近日屢有無辜市民被打而良心發現?
譚文豪強調,一直認為自己既係香港人,亦係中國人,表明唔支持港獨,「以前我已是這樣想,現在也是」,不過佢亦為港獨份子辯護,指係因為獨友對「一國兩制」不信任,先會令身份認同動搖,故政府應與市民先重新構建互信關係。
被問及泛民好少會譴責示威者或暴徒嘅錯誤,譚文豪就話如果見到有問題係應該出聲,例如有人掟汽油彈,「你問我,我當然不想見到」,又認為依家已經冇人能夠以一句話就平息動亂,長遠而言,政府與市民應該建立對話,而泛民作為民意一部份,可代表市民發言。
譚文豪疑似講公道說話,大家點睇?
原圖:大公報、now新聞截圖
http://www.takungpao.com.hk/news/232109/2019/0812/334668.html
投票已截止,多謝支持