繼爆眼女之後,又有自稱「受害者」嘅人出現,雖然口口聲聲講自己係受害者,但又係不敢以真面目示人,咁又點令人信服?今日黑衣召開所謂「民間記者會,」,又有蒙面人出嚟指自己係太子站傷者,指控警方濫暴,更以此要求港鐵交出完整閉路電視紀錄。
上次爆眼女雖然戴晒黑超口罩,但好歹都叫有個真人擺喺度,點知今次仲犀利,剩係得條片!會中播放自稱係8.31「受害者S」嘅自述片段,「受害者S」話自己當晚冇諗過警察會衝進月台,同時又質疑救護及消防救援不力,以此強烈譴責警方同港鐵嘅安排。
另外,又有化名「毛真相」嘅「受害人」,自稱喺8.31當晚喺油麻地站月台目睹3名頭部受傷嘅傷者,又稱當晚車廂內似地震,災後一樣云云。
反修例事件已發生3個月,有關黑衣、警察嘅傳聞愈嚟愈多,而且傳得愈嚟愈誇張,大家又認為呢啲唔敢以真面目示人嘅「受害者」,又係唔係真嘅呢?
原圖:無綫新聞截圖
投票已截止,多謝支持