暴民惡到極,因為有班反對派議員一味縱容!昨日的「光復沙田」遊行又演變成衝突,警方清場期間,暴民不合作,竄入新城市廣場,引發大混戰,場面非常混亂。事後鄺俊宇盲撐暴徒,批評警方「見人就打」、「草菅人命」喎,無視示威者暴行,更老屈當時在保護一般市民的警隊!政棍永遠只企暴民一方,永遠只鬧警察,離譜!
警方清場時將防線調進沙田新城市廣場,近排狂抽遊行水、暴徒水嘅民主黨鄺俊宇批評此做法令產生混亂場面,又指警方見人就打、出動胡椒噴霧,指警察離晒大譜。鄺俊宇又再要求政府成立獨立調查委員會云云。此外,對於政府譴責暴民一事,鄺俊宇繼續打橫嚟講,竟然叫政府唔好再用警力解決政治問題,又鬧政府收檔,話要譴責政府喎。
唔係有你哋班唔講理嘅政棍保駕護航,班暴民會有恃無恐濫用暴力?唔用警力,唔通警隊要放低雙手任由班暴民圍毆致死先叫做得啱?明明就係暴民暴力遊行,警方清場、拘捕係維護香港治安,警隊何錯之有?撐警方繼續出手,直至暴力消失為止!
原圖:無綫新聞截圖
投票已截止,多謝支持