去完聯合國講嘢，梗係要認吓叻啦！加拿大籍黃歌手何韻詩剛剛接受NGO UN Watch邀請，出席聯合國人權理事會會議並用英文發言，更乞求外國人把中國踢出人權理事會，大有要「代表」全香港市民之勢，惟被中方駐聯合國代表閘停兩次糾正其錯誤（請按此重溫）。正所謂輸人唔輸陣，何韻詩回程時於Facebook Po長文攞威，讚香港人點樣吸引外國關注唱衰自己地方，當然不忘大罵政府，仲警告特首林鄭月娥「好自為之」。

抬出民主萬能論

熟讀歷史的何韻詩表示，「五十年內，香港人，自己地方自己管理，唔明內裡嘅冒（盲？）毛唔該讀讀歷史先同我講，咪喺度嘈嘈閉，鬧都鬧得有理據少少啦好Boo好？」有趣的是，她稱呼已故中共元老鄧小平為「前國家主席」，其實鄧並未出任過此職。

何韻詩質疑林鄭月娥在《逃犯條例》修訂一事上跪低跪得冇誠意，並抬出民主萬能論：「我想溫馨提示一下，而家雖然仲係講緊一條逃犯條例，但問題嘅根本，終歸要返到去講真普選，閣下自己好自為之。」言下之意，有了真普選就不會有修訂《逃犯條例》的問題，真係邏輯豐富理據慎密。

提歪論自打嘴巴

帖末備註，何韻詩說：「知道好多朋友仔擔心我安危，雖然我唔覺得佢地會蠢到用行動證明我嘅說話，但為咗大家安心，我返到嚟香港機場會報平安。」顯然是暗指有人要對佢不利。

如果真係政權真係殺人不眨眼的暴政，香港人隨時要攻擊她，像何韻詩這種敢言的人尚可以招搖過市出出入入唱衰香港嗎？在何韻詩筆下，香港是一個猶如地獄般可怕的地方。但何韻詩每說一句話、每做一件事，無不在證明，香港絕對不是暴政之下的地方，何韻詩之流是自打嘴巴。

原圖：港台新聞截圖、無綫新聞截圖