民主黨議員林卓廷做過廉署低級調查員員好多人知，但估唔到佢原來對使用警棍都好有研究，仲教官上身，話自己曾接受警方武力訓練，教返阿Sir揮動警棍嘅「正確姿勢」。今次真係至叻係你喇！

清場期間有人涉襲警

昨晚九龍遊行過後，有暴民一度佔據彌敦道，警方凌晨時份於旺角開始清場，多人涉襲警及阻差辦公被捕。警方執法期間，曾使用警棍制服暴民，林卓廷竟然話警棍係「致命武力」，因為警員用警棍嗰陣，係由上至下擊打暴民，要求警方即刻停止咁做喎！

稱警員未受致命威脅

搞笑的是，林卓廷話見唔到警員遭到「即時致命」或「嚴重身體受傷」嘅威脅，所以唔應該使用警棍云云，莫非佢認為要等到真係有警員傷亡，警方先可以施施然抽出警棍自衛？莫非佢已經唔記得咗先前幾次衝突，已經有好多警員被暴民打到頭破血流？

原圖：無綫新聞截圖