暴徒犯法仲毫無悔意，離譜！7月1日本是香港回歸祖國嘅紀念日，但一班暴徒暴力佔領立法會，幾乎將成棟大樓夷為平地，但暴徒竟然不知悔改，仲大言不慚咁話無悔闖立會，真係三觀盡毀。

有位化名「阿文」嘅暴徒接受黃媒訪問時，提到當日暴力衝入立會，他表示當時立會黑漆漆，見咩就摸咩，肯定留下指紋，但阿文面皮成尺厚，表示無悔衝入立會搞事，仲話入得去預咗同衝擊者一樣受刑責，不會令佢哋孤單喎。阿文仲口出狂言，認同先破壞後建設喎。佢哋仲死撐破壞天眼、閉路電視係為咗保護同行人，又話暴徒有大部分都係斯文和平。

死撐暴徒斯文和平

化名「J」嘅暴徒認同阿文所言，仲死撐自己唔係搞破壞，而係去掩護他人，多個人可分散注意力云云，講到一面正氣，好令人佩服囉。J又講到雖然當日見到其他暴徒擊打玻璃外牆係唔同意嘅，但就話唔會阻止，因為爭取嘅目標一樣，會理解喎。理解他人犯法？暴徒歪理果然零舍不同。

另外一位註冊社工「Tom」都係用化名「光明正大」示人。Tom指自己闖入立會係為咗擋住警察，令同伴不被捕，更指警方催淚彈清場撤離後，佢放慢腳步畀同行者先走，係因為自己準備隨時阻擋警察喎。嘩，犯罪都畀你哋講到好偉大，真係可歌可泣到加零一！

又將責任推畀政府

三人自然如其他黃友一樣，又係將責任推畀政府，指政府唔讓步，示威行動只增不減。真係離晒大譜，明明係暴徒搞出嘅暴力事件，仲要著草呀、逃避呀，總之就唔肯負責，但咁都可以扮到自己好高尚。做錯唔認，以假當真，既然係咁，小編只能說一句：承政棍貴言，祝你哋有「精彩人生」！

原圖：無綫新聞截圖