遊行風蔓延!香港現時處於混亂狀態,皆因示威不絕,示威者不斷用各式各樣理由示威,但佢哋所謂嘅和平示威,根本一啲都唔和平,遊行最終都會變佔領。近日,示威活動更散落到社區,現時又有黃絲網民發起下周日舉行「7.14沙田遊行」,到底班黃絲想搞到香港幾亂先肯收手?
昨日的九龍反修例遊行,最後變成佔旺重臨,狂徒口口聲聲話係和平,最後又係失控,最終警方果斷清場,拘捕5人(請按此重溫)!咁呢次同樣都係聲稱「和平」嘅沙田遊行又會點呢?
社區關注組織「沙田一隅」召集人梁延豐更已向警方申請「不反對通知書」,梁延豐話除咗沙田區,北區、將軍澳及港島部分地區都想搞遊行,仲厚顏無恥地指想示威活動「遍地開花」延續運動溫度,兼Keep住有話題云云。梁延豐又謂沙田遊行將會有三個目的,當中最離譜嘅係,要求收回暴動定義、不追究抗爭者、成立獨立調查委員會,即係又係一個要脅政府嘅遊行。
梁延豐預計沙田遊行有近千人參加,又話活動唔係似「光復屯公」,仲無恥地要求警方克制,你唔犯法、唔行使暴力,警察會無故拉人?
黃絲想搞各區遊行當打卡?想玩轉香港十八區先安落?收手啦,香港已經畀你哋呢班人搞到毫無形象可言啦!對於示威不斷,大家點睇?
原圖:無綫新聞截圖、大公報
http://www.takungpao.com.hk/finance/text/2019/0312/259997.html
投票已截止,多謝支持