七一暴徒為「招呼」執法者，磚頭鐵枝、腐蝕性液體、可致盲石灰粉、有毒氣體樣樣齊，班泛民議員都仲可以話呢啲只不過係「學子嘅抗爭」，唔敢出聲譴責暴力。本以為泛民議員對暴力嘅接受程度真係高到冇人有，點知郭家麒竟然因為搭地鐵時，畀乘客唔小心撞一撞，就即刻嬲爆話好暴力，仲要搵平時自己鬧得最犀利嘅警察求助添！

指對方笑笑口挑釁

郭家麒助理指，郭家麒今晨乘搭港鐵時，有男乘客下車時「用力撞擊其左肩膊」，而對方更「笑笑口」，搞到尊貴嘅立法會議員郭家麒覺得自己受到挑釁，忍唔住報警話畀人襲擊，強調呢啲係「暴力行為」，唔可以容忍喎！

郭家麒：放佢一馬

據了解，郭家麒即時質該名男乘客：「為何要撞我？」，該男乘客則笑着回應：「撞到啫冇咩問題。」並且其後道歉，郭家麒亦高抬貴手話明「放佢一馬」唔追究，警方列糾紛處理。

泛民個標準認真難捉摸，大家出街記得小心啲，一陣唔覺意掂到某個泛民大人物，分分鐘告到你甩褲啊！

原圖：頭條日報

http://hd.stheadline.com/news/realtime/hk/1536912/即時-港聞-郭家麒港鐵月台疑遭男子故意撞膊-報警處理