中美女主播罕有隔空開火,本以為事件會以美國霍士女主播Trish Regan的慘敗作結(請按此重溫),但有人似乎唔多服輸,為扳回顏面,竟然恬不知恥地向CGTN女主播劉欣下戰書,「找個時間地點較量一番!」,要求擇日再戰,上電視單挑,面對面辯難!
為免輸得太難睇,Trish Regan率先搶佔主場之利,要求劉欣親身出席其節目,並話隨便劉欣定時間,兩人面對面就中美貿易戰辯論。面對Trish Regan來勢洶洶,劉欣未有退縮,從容接戰,提出於周一「單挑」;可能Trish Regan無諗過劉欣會咁輕易應戰,有啲不知所措,話周一唔得閒,要改周三,劉欣亦好大道,畀對方多準備幾日,最後雙方約定於香港時間周四(5月30日)早上八點,在Trish Regan的直播節目上「決戰」!
已嚐苦果嘅Trish Regan作為手下敗將,竟然夠膽挑機劉欣,到底係自信滿滿,定係自取其辱,下星期揭曉!
原圖:霍士財經截圖、CGTN截圖
投票已截止,多謝支持