美帝反口覆舌，令貿易戰近日又再升級。美國恐嚇將對價值近6,000億美元（約合4.68萬億港元）的所有中國輸美商品都加徵25%的關稅，鐵了心要搞死中國。對此，《環球時報》社評霸氣表示，中國唔鍾意貿易戰，但中國可以承受，更警告美國此舉可能令自己淪為政治笑話。

將失向華出口動力

對於美帝擬對近6,000億美元中國輸美商品都加徵25%的關稅一事，環時社評指出，美國係肯定做唔到嘅，更指出美國呢一招最後都只是自討苦吃，因為中國唔會唔冇反應，而美農民將睇唔到恢復對華出口嘅希望，美國嘅能源產業振興計劃同時將失去向中國出口嘅動力。

社評更霸氣指，中國係美國「極限施壓」政策亦壓唔倒嘅一座山，又串爆美政府自以為傲嘅攻勢外交將會變成四處碰壁嘅形勢，亦會成為選戰中嘅笑柄。同時，社評不忘回敬美國，指若貿易戰一直打到2020年美國大選，美國方面將會顆粒無收，付出嘅全部都係代價，到時金融市場嚴重動盪，美國亦會成為經濟史上最大嘅政治笑話。

中國唔怕打貿易戰

社評不卑不亢地指出，中國唔想同美國打貿易戰，希望早啲達成協議，但強調中國唔怕打，更稱中國係唯一將美國嘅貿易戰打到兩三千億美元水平嘅國家，「如果美方想見識這個東方大國的耐力，那麼請便」。

講得好！美國有種就放馬過來，看看選票生物特朗普可以頂到幾耐！祖國頂住，一於出盡法寶，拖垮美帝！

原圖：Donald J. Trump Facebook、Pixabay圖片

https://www.facebook.com/pg/DonaldTrump/photos/?ref=page_internal

https://pixabay.com/zh/photos/标志-中国-山-返回页首-583097/