有些人，有自由時搞搞震，失去自由時都要惡心你，說的就是佔中禍首戴耀廷。黃媒《蘋果日報》今日刊登剛剛入冊找數的戴耀廷的文章，題為〈來自香港監獄的信函〉，仲話明呢個系列會一封封咁寫下去。第一封信，戴耀廷就用嚟幫自己臉上貼金，兼且大罵法官一番。

該封信寫於本月25日，即戴耀廷被判入獄16個月後押往荔枝角收押所的翌日。信中，戴耀廷疑似自比黑人民權運動領袖馬丁路德金。戴開宗明義指，自己是受馬丁路德金獄中寫下的〈來自伯明罕市監獄的信函〉所啟發而寫呢封信。

疑似自比馬丁路德金

嗯，本來以為戴耀廷真係轉死性，學習馬丁路德金，點知完來佢大半篇都係以談「公民抗命」點樣先合符比例為出發點，批評法官「籠統地說佔領行動所造成的代價是過大」、「離地」，仲反諷法官判決「聰明」，又批法官「脫離現實」。戴耀廷話喎，「因為法官用了錯誤的合乎比例標準，故無論是判罪和判刑，也都是錯誤的」。

罵完一輪，戴耀廷在文末不忘自嘲，「多謝法官的裁決」，因若沒有其「錯誤裁決」，「我也不會有機會去完成此系列〈來自香港監獄的信函〉」。

講真，相信市民會覺得好難得，因為可以同戴耀廷意見一致。點解？因為都係覺得法官大人判錯咗，判毫無悔意嘅戴耀廷坐16個月太輕喇！

原圖：大公報

http://www.takungpao.com.hk/news/232109/2019/0430/282005.html