職工盟時時大打「打工仔」旗號,話企喺打工仔嗰邊,近日卻被鬧爆佢哋似乎當打工仔係搖錢樹!職工盟早前以「支援海麗罷工」名義籌得逾28萬元,最後卻只有4萬多是「罷工津貼」,其他金額只聲稱用作「支援日後其他工人抗爭」,而不是當日單張指款項「全數」支持海麗邨工友。職工盟秘書長李卓人仲好意思話「一早講明」籌得款項部分入「罷工基金」,已「得到工友一致同意」喎,但有網民搵返當日單張及Facebook宣傳,其中清楚講明籌得款項會「全數」支持海麗邨工友,究竟邊句先係真?
網民斥玩語言偽術
網民批評,職工盟、李卓人大玩語言偽術,與他們口中的無良僱主一模一樣!職工盟幹事為此在Facebook出帖,賴係本土派抹黑,又指單張上面清楚講明支援海麗邨工友之餘,金額亦會撥作支援其他工運。但網民直言,最重要是捐款者知不知道金額的去向,「你叫人捐錢但唔話畀人知啲錢原來有第二個用途,咁同呃錢有咩分別?」
市民捐錢就想幫海麗工人,點知職工盟原來終極目的係為咗「基金」籌旗,你對得住捐錢市民同海麗工人咩?
原圖:文匯報
http://paper.wenweipo.com/2011/12/17/HK1112170031.htm
http://paper.wenweipo.com/2018/01/12/WA1801120002.htm
投票已截止,多謝支持